Lengua Indigena

Ma mintsita indengui maruakuaaka Tata Diosïni.
XXV Domingo Ordinario


+Mons. Enrique Díaz Díaz
Obispo Auxiliar
Diócesis de San Cristóbal de Las Casas.


Ima nitamakuaru, Jesúsï arhiaspti discípuluechani: "Jaraspti menda ma achaati tumina jatsiri imangui jatsipka ma administradori, imangui isï arhinapka eski no sesi paapka imaeri jatsikuaechani. Ioarespti ka arhispti: 'Isï jindeski? Arireni nasïri anchikuareni jaki, jimboki noteruri jindeakia adminstradori'.
Jimajkani administradori isï eratsespti: 'Abesïni ua iasï eski eumenantaaka anchikuaretani? Noteruni uinapeskani ia para anchukuareni echerinduuru ka k´uratsesïngani kurakuareni limosna. Miteskani ambesïni ua, para jatsini ma k´uiripuni indenguirini erokakaaka imaeri k´umanchikuaru, ekini chunantaaka'.
Jimajkani iaareaspti mandani ka mandani tsimangui kanguanga imaeri juramutini. Ma ueenani k´uramarispti: '¿Naxani kanguxaki juchiiti juramutini?´ Achaati mokukuspti: ´Iumu ekuatse barrile tamarakuaeri'. Administradori arhispti: 'Arhí chiiti recibo, kakani ka unta materu tsimani ekuetse ka tembeni jimbo'. Tatsekua k´uramarispti materuni: 'Ka t´u, ¿naxani kangusïni?´ Arhí mokukuspti: 'iumu sutupu trigueri'. Administradori arhíspti: 'Arhí chiiti recibu ka unta materu iumu ekuatse jimbo'.
Juramuti sesi erakuntaspti eski no ambakiti administradori mostakuntaspka kangumenaechani. Jimboki tsimangui arhí parajpeni anapueka sanderu kokani usïnga ambe mostakukuaru eska tsimangui erajkukuaru anapueka.
Ka jiksïni arhísïnga: Tumina jimbo, xani no sesi jatsikuaru, andakuare p´isïpiriechani tsïmangui, eki cha uariaaka, erokantaakaksïni auandaaru. Indengui sesi ujka sapirati ukuaecharu, istu jindeesti k´eri ukuaecharu. Eki cha no ambakiti admintradori jindeeka tuminaeri, xani no sesi jatsikuaru, ¿nesï chansïni intskua amabrati jatsikuaechani? Ka eki nojtsi sesi uka ima jimangui no jindeeka chaari, ¿neksïnis patsaraa indengui no jideeka chaari?
No jarasti anchikuareri indengui uaka maruakuni tsimani juramutiechani, jimboki no sesi exeati mani ka materuni seis exeati, o matakuareati ueenani anapuni ka materuni no sesi exeati. Isï arhíparini, cha no uaakasï maruakuni tata Diosïni ka tuminani." (Lc 16. 1-13).
No sesi ukua iapuru isï.
Isïku uandantasïrampti eski sesi jindeekua. Isï, eski jirinakua iontki, niarakuspti jandu para untani ma k´eri anchikuarita. Ka no ukua jukaspti, sontku isïku uspti para untani anchikuaretani. K´eri jatsikuaechani tsïmangui niarakupiringa uanekua programechani ka ima isïku pakaranchaspti "imaeri diesmuni" no ambe uparini. Uandantasïndi eski ma k´omkua indengui uka para iretaechani tsïmangui sanderu no ambe jatsika, pero eski anchukuareta indengui jurajkukuka unanekua mileecha tumina. Ji isïkuni pakarantaspkani eratsentani eska nasï no jatsikuarentana k´ratsekuani para kuarujpeni ambarati jakuaechani tsïmangui k´uiripu erokani jaka. Tsïmaechani no ambe niarakuasïndi ka k´uiripu funcionario arhíkataecha pakaranchasïndiks tuminani, no arhíparini eski uanekua k´uripu no ambe jatsika.
K´erí ambe irhíntpekua.
Uandakua indengui iasï Jesúsï juchansïni arhíjaka k´amabatserakua jatsukuntasïndijtsini ka isïku erhatenantasïndi eski sïpajperakua ka chkuandirakua sesi jaka. ¡Pero no isïsti! Jindesti ma ambe arhíntpekua para iamindu tsïma enga uekajka kanekua ambe isïku jatsini tuminani. Profeta Amós isï arhísïndi ma uenani karakataaru: "Kurandie tsïmangui jirintajka no ambe jatsirini para no sesi ukuntani… Noksï jarhasti tserakuaecha, sanderu jukapastiks embeecha, tserakuechani noteruksï sesi tserasïndiks, noksï sesi ambe ukuasïndiks tsïmangui no ambe jatsika; tsimani jukandurakuaechani jimbo intspekuaresïndiks, la piasïndiks…" Ka isï arhínasïndiks iontki isï anapu k´uiripu eki notki juraampka Jesúsï. Xukasïndi Israelini jimboka uetarisïndi eski irekantaaka Tata Diosïnguni ka ujka tata Diiosíri ambe ukuaechani, ka tatsekua no sesi urpesïndi. Amós exesïndi no ambe jatsikuani ka eska k´uiripuntu eski k´eri no ambakiti para Tata Duosï. Xukantasïndi k´uiripuni Israeli anapuni jimboki tsïtakaks no sesi irekakuani. Jindesti para k´uiripu iontski isï anapu eska para iasï anapu. Ka k´amarutasïndi Amós miantparini eska Tata Diosï no usïnga mirikurini kurajpekuani tsïmaeri tsïmangui no ambe jatsika.
Mintsita arhúkukata
Tumina inchakusïndi ma seperinguni mintsitaaru, separasïndi ka ikichakua uskuasïndi k´uiripuechani tsïmangui ambakiti jindeeka. "No usïndi maruakuni Tata Disïni ka tuminani". Jucha no uaaka jakajkuntani. Pero eki jucha exentaaka juchari irekakuani exentaakaks eska Jesúsï sesi uandasïnga: kanekua ambe uekakua jatsikua tuminaeri niantaskaks sïpajpentani, no ambe seis untani iapuru isï. Iasï jimbosï isïks irekantani jaka jimboki tumina juchansïni ikichakua uskasïntsini. K´uiripu no ambakiti iapuru isï anapu, k´uiripu intspekuarekua, sïpajperakua, iamandindu amabe ikichakua, uekakua jatsikua tumina jimbo, terasïndi mintsitani ka k´uirpueri irekakuani.
Tata Diosïri maruajpekua
Jesúsï uandantasïndi ma k´eri amne no sesi ukuani imandui jucha isku exejka. Uetarinchasïngaks eska mojtakuakas sírangua isï: uetarinsïndi mojtakuni eratsekuani ka ukuaecharu k´uirupuecheri. Exekurentaaks eska jucha exentaaka ambesï jaki juchaaru mintsitaaru, ambesï manatajki: Tata Diosï o timina. Tumina jatsikua jindeesti indengui tsimajkani arhukuntani jaka k´uiripuni; jindeesti ukata indengui juchansïni sesi pajka isï irekantani: kanekua tumina jatsiriiecha ka no ambe tumina jatsiriiecha. Tumina jatskua jindeesti indengui no kajtajka para uachikua sesi irekantani kojtsiikuaru irekakuaeri. Jimbosï discípulu uetarichasïndi eski uekaaka sesi irekantani ka jatsintani mintsitani paraki maruakuaka Tata Diosïni.
Maruakuantani maruteruechani
Uanekua janaskatiecha isï juchansïni eski arhí mayordomu eki mojtakuantapka kantspekuaechani kantsperietecheri, no ambe euatasïndi kantsperakua imaeri juramutieri, imasï tsïstaandi imaeri andapekuani imangui no sesi exenantaapka. Isï exeparini, uanekua ambe mostakuarisïndiks jimboki noteru uekasïndi materu ambe jatsintani imangui no jideepka imaeri, tsïjtaspti imaeri andapekuani mangui no sesi exenaampka. Ka juchansïni upirindi jorhendantan sani ambe: tumina jimbo usïindi uanekua ambe seis ukataechani. Isï arhítasïndi Jesúsï eski uakaks andapeani uanekua p´ixpiriechani. Eki jatsikuaechai arhupetpearajkaks kuiripunguni, mojtakukuaresïndi ka sesi irekanantasïndi. Eki ucha jirinantaaka ambakiti irekakua k´uiripueri ka iamindu parajpeniiri intsïkuakaksï sanderu jukaparakua k´uiripuechani eska tuminani, sanderu kukaparakua para Tata Diosïni eska ambe jatsikuaechani. Iasï exentaakaks ma ambakiti irekakuani imangui arhiakasïni naxasïks ukajki tuminani. Uetarisïndi untanani ma jimbani iretani, p´inaskuaru ka uachikuaru. Uetenee jucha jimbo, juchaari barrioru, juchaaru kunguarekuaru. Jue intskuntani Tata Diosïni indeeri jatskuani ka imantku intskuntee juchaari maruakuani.
Taate ambakiti, tungui juchansïni intskuka iamindu jatsikuaechani para jucha untaaka k´umanchikua iamindeuchaeri, intskujtsini ma k´eri mintsita imangui iamindu ambe intsïpentaaka imangui t´ujtsïni intskuntaka ka jaruatajtsini irekantani uachikuaaru ka maruakuaru uejpekuambu iamindu