EPIFANIA DEL SEÑOR
+Mons. Enrique Díaz Díaz
Obispo Auxiliar
Diócesis de San Cristóbal de Las Casas
"Pojkita ja Jesusi ja b'a Beleni ja sb'aj Judeya ja yora ye'nto mandaranum ay ja Herodesi. Ti jakume chab'oxe k'intanum ja b'a wa x'el ja k'ak'u'i. Tixa k'otye' ja b'a Jerusalén. Ti sjob'owe'a b'aya ja yajwalil ja judiyo jumasa' ja ma' pojkita. Kilatikonta ja sk'anali ja b'a wa x'el k'e'ni ja k'ak'u'i. Jakelotikon oj jk'antikon yi' stz'akatal ja Dyosi. Yajni yab'ta ja mandaranum Herodesi tixa xiwiye'a, tixa stzomo spetzanil ja niwak padre jumasa' sok ja je'aju'um jumasa' ja b'a chonab' jawi. Ti sjob'o yi'le'a b'a oj pojkuk ja krsito'i. Ti yalawe'a: ti b'a Belén ja sb'aj Judeya yuj ja jach' stz'ijb'unej kani ja aluman Dyosi:
Ja we'n Belén slu'umil Judá, mi we'nuk ja más ch'ina yuj ja sb'aj Judá
Yuj ja we'ni oj el jun talnuman
Ye'n oj stalna ja schonab'il Israeli.
< Ja'xa Herodesi ti spaya ch'ab'an ja k'intanumi b'a oj sna'e jasora sje'a sb'aj ja k'anali. Ti sjeka ja b'a Beleni, ti yala yab'ye'a: ka'ax job'owik lek yuj ja alatz jawi, yajni ja ata'atawexta la' alawik kab'i b'a oj wajkon ja ke'ni oj jk'an yi' stz'akatal ja Dyosi. Ja' yajni ch'akta yab'ye tixa wajye', tixa yilawe' ja k'anali ja b'a wa x'el k'e'ni ja k'ak'u'i. Tini b'ajtan b'a sti' sate' ja k'anali man k'otye ja b'a k'ot tek'an ja k'anali. Ja bay ja alatzi. Yajni yilawe' ja k'anali jel tzamalaxiye' ti ochye ba yoj na'itz, tixa yilawe' ja alatzi sok ja snan Marya'i. Ti ochye' mek'ana, sk'anawe' yi' stz'akatal ja Dyosi. Tixa sjamwe' ja sjastik sb'aje'. Tixa skapawe' yi' smajtani ja'ni ja tak'ini sok ja pomi sok ja perjume. A'jí swaychuk sb'aje' mixa ti oj kumxuke' ja b'a Herodesi. Tixa kumxiye'a tuk b'ej b'a oj k'otuke' ja b'a slu'ume'i". (Mateo 2,1-12)
Mini jun sje'jeli
< Mi jak'a ja sk'ujoli jas oj ta'xuk ko'e, wa sk'anawe' ja ye'nle'i oj stojb'ese ja kistal sb'ej jawi loman lomani'a, ja ma' wa xya'a oj sta' sb'aje' ja chab'wane chonab' jawi. Slumtz'ib'iye' lom jijkab' ja b'a snajtzili b'a ojxa ya'teltaye , ja'xa ya'ata kan jach'uki b'a oj cho stule ja scholi ek'ta chab'oxe k'ak'u, pe ya'ata kan mini jun sje'jeli. Ja k'ik'il jijkab' snaka lapan chikan jas sje'jeli, ja jaka ja'i sok ja asoni cha ya'ata k'ik'b'i ja k'inali. Jach'ni ja karo jumasa' wa xkota oche, mi stalna sb'aje', jutzin jutzin jaxpujxiye' , mokyeta ko'e, chab'oxe chamta, chab'oxe yajb'um kanye, jomwanum kanye jitzan jas. Yuj ja tzatzal ajneli, yuj ja mi stalna sb'aje' ja yamanum, xchi'ye' tak, pe' ta oj jk'eltik meran, yuj ja mey mini jun sje'jeli ja b'a chikan jas b'ejlal, lajan sok ja jsak'aniltiki, jelxa wokol oj b'ejyukotik , mi xna'atik b'a oj wajkotik k'ote, mi xk'elatik ja wokolanel jumasa'., ja'xa mi xb'ob' oj jyamtik ja karo ja b'a tojol sb'eji. Ta mey mini jun sj'ejeli mi xb'ob' oj jcholo jb'ajtik.
Ja Sje'jeli ja Kajwaltiki
No hay comentarios:
Publicar un comentario